يومكم سعيد 😃

#إنترنت_الأشياء بيكون أعلى تقنية كقيمة سوقية تقريباً خلال السنوات القليلة القادمة حتى أعلى بكثيييير من الأمن السيبراني والذكاء الإصطناعي !! ليييش ووش السالفة

خلونا نآخذ ابعاد الموضوع شوي حتى تتضح الصورة وتميزون بينه وبين غيره


تخيل "كل شي" حولك بيكون متصل بالإنترنت ويجمع ويحلل المعلومات ويتخذ قررات

يعني من الثلاجة بيتك و ومكينة القهوة الي بعملك و المحلات الي بالشارع كلها لها قدرة على التواصل والتناغم

النتيجة عالم مختلف تماما عن الذي نعيشه اليوم ! الثلاجة اذا قرب يخلص الحليب فيها تتواصل من نفسها مع اقرب سوبر ماركت وتتطلب منه حليب 😄

السوبر ماركت ( الدانوب مثلا ) اليا يجهز طلبك ويرسله لبيتك والمبلغ ينسحب من رصيدك

وانت اصلا وقتها جالس في إجتماع عمل ماتدري عن العملية هذي

تعالو نوسع الصورة شوي

أصلاً وش إنترنت الأشياء IoT : هو ثورة تقنية لـ "تفاهم" الأجهزة مع بعضها وإتخاذها لقرارت تساعد في موضوع ما

خلونا نعرف شلون طلعت IoT الان مثلاً ماطلعت قبل فترة ليش

‏IoT هو نتيجة ثلاث أشياء مجتمعه مع بعضها
١- الـ 5G : لنقل البيانات بسرعه
٢- الحوسبة السحابية : لتخزين البيانات لمعالجتها
٣- الذكاء الاصطناعي : تحليل البيانات واتخاذ القرار

هذه الثلاث تقنيات جعلت انترنت الاشياء تخرج للحياة .

وهو موضوعنا القادم لكم 👍🏼

د. حمد ال عمار

‏#iot